Etienne Penyisi Ndhambi
Etienne Penyisi Ndhambi (9 Hukuri 1912 - † 09 Ndzhati 1986) A ari mutsari wa tibuku ta xitsonga leti hlanganisaka swiphato, swithlokovetselo na tinovele to hlaya, naswona utiveka ngopfu hi novhele ya yena leyi ayitsheke "Mambuxu".[1] U tlakusile ta ririmi ra Xitsonga hi ku va xirho xa Huvo ya ririmi ra Xitsonga ku sukela hi 1960 ku fikela 1972. U tekiwa tani hi un'wana wa vatswari va matsalwa ya xitsonga naswona u gingirikele matswalwa ya Xitsonga kuya fikela emakumu ka vutomi bya yena laha misaveni.[2] Ndhambi u hoxe xandla ekutsariweni ka matsalwa ya Xitsonga evuton'wini byakwe ku fikela loko ata hundza emisaveni.
| Etienne Penyisi Ndhambi | |
|---|---|
  | |
| Vutomi | |
| Ndzhawu yovelekiwa |
Mudabula , Hukuri 9, 1912 |
| Tiko ra vutshami |
Afrika-Dzonga |
| Ririmi rantumbuluko |
Xitsonga |
| Ndzhawu yolova |
Ndzhati 9, 1986 |
| Ndyangu | |
| Nghamu |
Hendrika Makaukau (en)  |
| Education | |
| Uleteriwe e |
Lemana Training Institute |
| Tindzimi leti a a titiva, kutsala na kuvulavula |
Xinghezi |
| Ntirho | |
| Ntirho |
mutsari, Mukamberi wa swikolo, Mutsari wa tinovhele nakambe Mudyondzisi waxikolo |
| Xirho xa nhlangano wa |
Huvo ya ririmi ra Xitsonga |
Tavutomi byakwe
LulamisaMalembe yosungula
LulamisaNdhambi u velekiwile hi ti 09 ta Hukuri hi 1912 e Tlangelani,[kulaveka vumbhoni] etikweni ra ka Mudabula. U dyondzile exikolweni xa Valdezia emelembeni ya va makume-nharhu, hi leswaku hi va (1930’s).[1]
Tidyondzo tale henhla na vudyondzisi: 1937 - 1975
LulamisaKu suka eValdezia, u yisile tidyondzo takwe ekhale ka Lemana Training Institution ku ya dyondzela ku va mudyondzisi. Xikolo lexi a xi fambisiwa hi kereke ya Swiss Mission eAfrika Dzonga. U hetile ku dyondzela vudyondzisi hi lembe ra 1937. U dyondzisile exikolweni xa Valdezia nkarhinyana. U tlakusiwile ku va nhloko ya xikolo xa Tlangelani eka Mudabula hi 1941. U yisiwile hi valawuri va swa dyondzo nkarhi wolowo ku ya va nhloko ya xikolo eka Mashamba ku sukela 1942 ku fikela 1944. Ku sukela 1945 ku fikela 1958 u vile nhloko ya xikolo xa Ribolla. Hi 1959 u tlakusiwile a va mukamberi wa swikolo (Kumbe wa dyondzo) hi 1959. U vile mukamberi ku sukela nkarhi walowo ku fikela loko a khumuka entirhweni hi 1975.[1]
Vukati na Vana
LulamisaTatana Ndhambi a a tekanile na Hendrika “N’wa Abel” Makaukau, naswona Vukati bya vona byi katekisiwile hi majaha ya ntlhanu: Isaiah Penyisi Etienne Ndhambi, Oscar Mahuntsi Ndhambi, Amos Ndhambi, Shisiwana Frank Ndhambi, Shibule Raymond Ndhambi na tintombhi timbirhi: Bihamhirhi Kate Ndhambi na Mihloti Marlene Mabasa . U hundzile emisaveni hi to 09 ta Ndzati 1986.[1]
Vutsari
LulamisaTatana Ndhambi tlakusile ta ririmi ra Xitsonga hi ku va xirho xa Xitsonga Langauge Board ku sukela hi 1960 ku fikela 1972[2] a thlela a va mutsari wa tibuku ta ririmi ra Xitsonga leti landzelaka.
- Swiphato Swa Xitsonga hi 1950. (Buku leyi yi vile yona yo sungula ya swiphato ya ririmi ra Xitsonga)
- Mambuxu (a novelette) hi 1953.
- Xitsonga xo Saseka.
- Switlhokovetselo swa Vana.
Masagwati lawa amakumeke
LulamisaMintshaho
Lulamisa- ↑ 1.0 1.1 1.2 1.3 "Preserving and Celebrating our literary heritage" (March 2011) - National Library of South Africa. Retrieved 22 February 2016
- ↑ 2.0 2.1 "History of the Xitsonga Language Board" (March 2011) - University of Pretoria. Retrieved 8 March 2016