Vuthlokovetseri

VUTOMI - LW TIVANA

Vutomi a byi na nhenha,

Byi pfuvapfuva na lava nga mintisiwa ndzalama,

U nga va voni ku tivambavamba.

I ndlopfu ya hina na vona va ghonya lomo,

I milenge ntsena yi baka magoza leswin'wana swi yo tsii!

Swikhiyana swa vona i swo banga swirhalanganyi,

Ku nga ndlela leyinene yo kanganyisa nala,

Ku nga ri leswo n'wi endlela siku hi ku yi harahara!

Tiputi u kala u fika vughimamusi,

U tshika leswo tikitiki, u dya marhambu ya nhloko ya nga heli,

U nga ta kala u ya muya laha vakokwana va nga yela makumu.

Byi ta hobomulana siku rin'wani ku khalakhasa ku ta longa maguja,

Swi hlamarisa na vamatiko va ku: "Hi yena loyi a byi te tshekee!

Hi nkarhi lowo murhi wa mintlhontlho wu vuvumerile lorhe!