User:Thuvack/About-me
Hi mina mani?
LulamisaVito Hi mina Dumisani Ndubane, kambe laha Wikipediyeni ndzi tiviwa hi ra Thuvack. Ndzi muchangana loyi a mameke vele. Ndzi dyondzele tindyondzo ta le henhla ta vutivi bya Gezi. Ndzi tsakela vutsari bya tibuku na swiphato hi xitsonga na xinghezi loko ndzi tikuma ndzikarhi ndzi biwa hi xivundza.
Ndzi lava yini laha Wikipediyeni
LulamisaRirimi ra Xitsonga rile kufeni, rilava vavanuna; vavasati; tintombhi na majaha lawa mangata ti karhatela ku ri yisa e mahlweni. Wikipediya indlela yinwana yo endla leswi.
Tluka ri n'wana na rin'wana leri tsariwaka hi xitsonga ri kurisa rixaka ra hina. Ku hundzuluxeriwa ka vuthlarhi bya le ntsungeni a swi fanelanga ku byiharisa vonele ra hina hi ririmi ni nzhavuko wa wa hina. Hi fanela ku ti ba swifuva hi thlela hi ti nyungubyisa hina vinyi. Loko hi nga endli tano, hi ta endleriwa hi mani xana??
Ndza tshemha leswaku ku va ka wena eka wikipediya leyi, ku ta pfuneta ku ndlandlamuxa wikipediya leyi na vuthlarhi bya machangana ma tsonga.
Ndzi hlohlotela hi miehleketo ya wena Dumisani, impela, ririmi ra Xitsonga rile ku feni. Lexi hi faneleke ku endla xona iku ehleketa leswaku swi endla hi yini leswaku ririmi ra hina ri sungula ku mbombomela exidziveni. Ndzi pfumeleli ndzi vula leswaku hi nga swi kota ku lulamisa ntsena loko hi tiva laha ku faneleke ku lunghisiwa kona. Ndzi thembha futhi kuri wa tsundzuka njhekanjhekisano lowu a wu ri kona eka SAfm mayelana na tindzimi ta 11 ta xifumo ta la Afrika dzonga. Tindzimi tinwana leti nga ku feni I xiSwazi, xiNdevele, na Khoisana. Va vula leswaku vavulavuri va tindzimi leti a vahari na hlohlotelo wo kurisa ririmi hi tindlela to tala. Xikombiso, ava hari na vatsari va ririmi, kumbe, vatsari va kona kambe a va koti ku kurisa ririmi hi ku lomba na ku tirhisa marito ya mintlawa leyi vumbeke ririmi rolero. Ndzi phindha futhi ndzi nyika xikombiso hi ririmi ra hina. Hinkweru ha swi tiva leswaku Xitsonga namutlha(/hla) xi ni tinxaka timbirhi lava ku nga Vantsonga na Vangoni. Loko Xitsonga xo ka xi nga teki marito ya xingoni xi ya tirhisa swi vula leswaku vangoni va nge vi na hlohlotelo wa ririmi kambe va ta ri dyondza exikolweni va vuya va vulavula ririmi ro hambana na rona ekaya na vana va vona. A hi teki xikombiso xa ririmi ra Xinghezi, namutlha ririmi leri ri vulavuriwa misava hinkwayo hinkuva Manghezi ya pfumelela matiko ya misava ku tirhisa Xinghezi hi ndlela leyi yelanaka laha va tshamaka kona. Xikombiso, kuna "South African English" leri tirhisaka marito yo fana na "veld", "kraal", "apartheid", "lobola" na yanwana marito lawa ya nga ri ku marito ya Xinghezi hi tumbuluko. Hinkwaswo leswi, swi endla leswaku ririmi ra Xinghezi ri kula. Xana swi hoxeke kwihi kuri Xitsonga xi sungula ku tirhisa marito ya Xingoni hinkwawo lawa hi ya tirhisaka hi mbulavulo ekaya handle ka le exikolweni ku fana na emangqwavini(emasirheni), ephakati(endeni), mfundhisi(mudyondzisi wale xikolweni kumbe esontweni), mpupu(mugayo), mzimbha(mirhi), Ku khanghela/ku hlalela, tinghoma(tinsimu), emahlweni(emphambeni/li). Ndzi nga xaxameta ndzi nga heti, kambe xikongomelo xa mina a ku ri ku kombisa leswaku ririmi ra Xitsonga ri nga kula ku tlula tindzimi to tala loko ntsena hi kota ku vona "opportunity" leyi. Tsundzuka leswaku marito lawa ndzi nga ma xaxameta laha henhla ya tirhisiwa ntsena eka mbulavulo, hi xifumo a ya pfumeleriwi hinkuva va ri a hi marito ya Xitsonga hi tumbuluko. Xivutiso iku, tindzimi ti kula njhani handle ko teka marito ya tindzimi tinwana ke? Kambe, ndzi thembha/tshembha ku ri marito lawa hinkweru ha ya tirhisa masiku hinkwawo ku tlula marito lawa ya nga ya xifumo. Hi ku vona ka mina , hi kona ku kula ka ririmi koloko, a ku na ndlela yinwana. "Technology" na yona yi fikile, se hi ta tshama hi ka hi vekela ntshaho hikuva a hi lavi ku tirhisa marito yantshwa na? Vongani Nkwinika/Zitha.