Tyla

Tyla Laura Seethal (u velekiwile hi lembe ra 2002 hi ti 30 ta Sunguti), Tyla i xiyimbeleri na mutsari wa tinsimu wa Afrika Dzonga. U velekiwile no kurisiwa eJoni, u sayinile na "Epic Records" hi lembe ra 2021 endzhaku ka ku humelela ka laha kaya ka risimu ra yena ro sungula ra 2019, " Getting Late ".

Xinepe xa Tyla

Tyla u kumile ku xiximiwa emisaveni hinkwayo endzhaku ko humesa risimu ra yena ra 2023 leri nge " Water ", leri ngheneke eka "top ten" ematikweni yo tala ku katsa na tiko ra rikwavo ra Afrika-Dzonga, United Kingdom na United States. "Water" a ku ri risimu ro sungula hi muyimbeleri wa Afrika-Dzonga ku nghena eka US <i id="mwHw">Billboard</i> Hot 100 eka malembe ya 55 naswona ri nyikiwile sagwadi ro sungula ra Grammy Award ra Best African Music Performance hi 2024 . Singili leyi yi rhangele alibamu ya yena yo sungula leyi a yi thyeke vito ra yena (2024), leyi humesiweke ku bumabumeriwa hi vaxopaxopi na ku humelela loku ringaneleke eka swa mabindzu, yi nghena eka "top 25"eka matiko yo tala ku katsa na United States.

Tyla u vile muyimbeleri lontsongo swinene wa Afrika ku wina Sagwadi ra Grammy, naswona u tlhele a kuma minhlawulo eka Sagwadi ra BRIT, sagwadi ra vuyimbeleri bya Soul Train, sagwadi ra MOBO, na masagwadi mambirhi ya vuyimbeleri bya Afrika-Dzonga . Tyla u hlurile masagwadi yo tala eka masagwadi ya BET ya 2024, laha a bohane na Usher na Victoria Monét . U thyiwe vito ra " Queen of Popiano ", ku hlanganisiwa ka tinxaka ta <b>pop</b> na amapiano .