Teko Modise

Teko Tsholofelo Modise (U velekiweke hi ti 22 Dzivamisoko hi lembe ra1982), loyi a thyiweke vito ra xirhangiso ra The General na Techno M, i mutlangi wa bolo ya milenge wa xiphurofexinali wa Afrika-Dzonga loyi a nga le ku wiseni, khale ka mukaputeni wa Bafana Bafana loyi a tlangeke tani hi mutlangi wa le xikarhi naswona sweswi i xirho xa vatirhi eka Cape Town City Football Club .https://www.famousbirthdays.com/people/teko-modise.html

Ku tekiwa tani hi un’wana wa vatlangi lavakulu va PSL va nguva ya manguva lawa namuntlha, ntirho waTeko Modise wu sungurile eka tiligi ta le hansi ta bolo ya milenge ya Afrika Dzonga na Ria Stars na City Pillars . Hi nkarhi wa yena na loyi wo hetelela, u hlurile eka sagwadi ra Mvela Golden League eka mutlangi wa nguva, leswi nga endla leswaku a ya eka xipano xa le henhla xa SuperSport United hi lembe ra 2006. Eka nguva leyi landzelaka u joyinile vaphikizani va laha kaya Orlando Pirates laha anga heta malembe ya tsevu na vona, a wina masagwadi mambirhi ya PSL Footballer of the Year, kukatsa na sagwadi ro sungula, na swidlodlo swimbirhi swa xipano. Loko ari ekaOrlando Pirates, u kumile vito ra xirhangiso ra "the General" hikokwalaho ka vuswikoti bya yena byo kongomisa ntlangu naswona hiku hatlisa u hundzuke munhu wa nkarhi hinkwawo endzeni ka ku lungheka ka xipano xa rixaka.https://www.transfermarkt.co.za/teko-modise/leistungsdaten/spieler/63081

Endzhaku ka ku wa na vufambisi bya xipano hi lembe ra 2011, u hundziseriwe eka Mamelodi Sundowns laha a nga heta malembe yan’wana ya tsevu naswona anga hlula swidlodlo swa xipano leswinga ehansi ka ntlhanu. U tlhele a va khaputheni ya xipano eka nguva ya lembe ra 2012 ku fika lembe ra 2013 . Hi lembe ra 2017, u hlawurile ku ka a nga pfuxeti kontiraka ya yena na xipano, ematshan’wini ya sweswo u hlawurile ku sayina Cape Town City laha a nga tshama kona ku fikela loko a huma penceni hi lembe ra 2019.