Nhlangano wa Afrika Dzonga

Nhlangano wa Afrika Dzonga a ku ri khale ka Riphabliki ya Afrika Dzonga ya namuntlha. Wu sungule ku va kona hi ti 31 Mudyaxihi 1910 hi ku hlanganisiwa ka swifundzha swavukolonyi swa Kapa, Natala, Transivala na Fristata.

Mujeko wa Nhlangano ya Afrika Dzonga kusukela hi 1928 kuya eka 1994

Endzhaku ka Nyimpi yo Sungula ya Misava, tiko ra Nhlangano wa Afrika Dzonga ri sayine Ntwanano wa Versailles naswona rive rin'wana ra swirho swo sungula swa Ntwanano wa Matiko. Ri nyikiwe vulawuri bya Afrika Dzonga Vupela-dyambu (leyi sweswi yi tiviwaka tanihi Namibia) tanihi xileriso xa Ntwanano wa Matiko.

Ku fana na Canada, Australia na New Zealand, Nhlangano wa Afrika Dzonga a wu ri tiko leri tifumaka ehansi ka Mfumo wa Manghezi. Vutiko bya rona lebyi heleleke byi tiyisiwe hi Xitiviso xa Balfour xa 1926 na Nawu wa Westminster wa 1931. A ri fumiwa ehansi ka vuhosi bya vumbiwa, laha Hosi ya manghezi a yi yimeriwa hi ndhuna-nkulu. Nhlangano lowu wu fike emakumu hi ku simekiwa ka vumbiwa bya 1961, laha tiko ra Afrika Dzonga ri veke riphabliki kutani ri suka eka Commonwealth of Nations. Riphabliki ya Afrika Dzonga yi tlhele yi nghena eka Commonwealth hi 1994.