Open main menu

Wikipedia β

Manuhana

Manuhana i wa muhlovo wa xitshopana, wu na marhavi yo tala wu tlhela wu nuha swinene. Murhi lowu a wu kuli ku fana na misinya yinwana. Matluka ya murhi lowu i ya rihlaza. Hi nguvu ya xixika wa dzudzeka mbewu leyi nga ta mila hi nguva ya ximunwana loko timpfula ti sewula xi fa. Murhi lowu wu na swiluva swo basa leswi kokaka rinoko eka maphaphatana na switsotswana na swinwana.[1] Murhi lowu wuna sema ro nuha swinene.[2]

Manuhana
Tagetes minuta flower.jpg
Switirhisiwa Nhova
Swiluva swa Manuhana

NhlamuseloEdit

Swikokovi na switsotswana swinwana a swi swi rhandzi ku tshama eka murhi lowu hikuva wa nuha swinene. Swiharhi swo tala a swi wu dyi murhi lowu. Vamanana a va xirhandzi ximilana / murhi lowu hikuva xi engetela nhova emasinwini.[1]

MatirhiseleEdit

Murhi wa manuhana wu pfuna eka vuvabyi byo tala loko wu swekiwi. Matluka ya kona ma tshungula nwana loko a khomile hi nkuzi kumbe xikuna. Matluka lama ma gandliwa, ma lemiwa hale ndzhaku ka nwana kumbe munhu loyi a twaka vuvabyi lebyi, ma tlhela ma dlaya na tshungunyana. Matluka ma tlhela ma horisa hi ku va ma ncakunhiwa kunene.[1]

Marhavi ya manuhana ma horisa ku vava ka meno. Mikolo leyi nga na swirhumbana na swilondzo hikuva ya ncakuniwa kunene.[1]

Mahanti ya manuhana ya tshungula vuvabyi bya switshetshela loko ma swekiwile kasi timitsu ti tshungula vuvabyi bya vamanana byo humela hi makhwiri hikuva ku ceriwa timitsu.[1]

MintshahoEdit